عيدكم مبارك يا اجمل ناس.:)

×مدخــ~ــل×
ماني بـ / ويا الناس ,يوم "انتظرتك"
كل ٍ يعايدني .. وانا سآرح ٍ فيك ,..

.
.
.


ليتك تجي وتشوف عيدي بدونكـ ..!
بالمختصر من بدونك أصلآ ماعيد ..!

بادِر لـِ هاجِرك, وارسل له(من العايدين) ..
وشف كيف تشعر بأنك صرت مرتاح بال..
وْلا تنتظر رد, واِليا رَدّ! طيبك يبين ..
انت المبادِر, وهاذي من عظيم الخِصال

كل الكلام يضيع لاجيت أهنيك
من وين ابتدي بالتهاني كلامي
إنت الوحيد اللي من الناس أغليك
وغيرك من الغالين مجرد إحساني
كل عام وانت بخير من قلب مغليك
ياعلها تروي من الشوق ضامي





كلن نهار العيد عايد حبيبه
وألتم شمل القلوب .. المواليف
وأنا حبيبي غايب الله يجيبه
ويا حسرتي كان انتهى العيد ما شيف!!

عيدك مبارك يابعد كل من لي
كل عام وانت بخير في بهجه وسرور
العيد جانا وأنا هم فاقدٍ لي
ودي أشارك حالي من حال الحضور
اللي بعيد الديار لازم يهلي
ماتبعده السنين ولا عدة شهور
بس البلاء باللي بصدري يغلي
ان شيب عيني مسكنه وسط القبور
وشّو يرده يأريش العين قلي
وشّو يفرح القلب لاصار مفطور
العيد للي ما لهمّه محلي
وأنا همومي عايدني ومشكور 0

يا صاحبي مدري هو يجيبك العيـد
ولا يجيـب غيابـك العيـد فينـي
ياليتها تصـدق معانـا المواعيـد
وتصبح نهار العيد حاضن يدينـي 
وابدأ اتسكع بيـن حلـو العناقيـد
وآفل ليلـك والرمـوش اتحمينـي
واخذ من علوم الخـدود المواريـد
ومن كاس حبك ارشف اللي يهنيني
وتفرش دروب الحب ورد وزغاريد
وتعيّد بصـدري وتَقطـف حنينـي
غيري يقول العيد فرحـه وتجديـد
وآنا اقول العيـد مـا مـر عينـي
عيدي بدونك غابه مـن التناهيـد
كن الشقا مكتوب لي فـي جبينـي
اسمع بطاري العيد من زيد وعبيد
لكني اعيشه حشى يـا ظنينـي
الخلق في فرحه وانا حزني يزيـد
من دون شوفك غربتي تحتوينـي
وش حيلتي والشوق ظالم وعربيد
والوقت فرق غصب بينك وبينـي 
بعد المسافه قيـد وظروفنـا قيـد
والدرب موحش وانت وينك وويني
تعال .. ياتي العيد يا سيـد الغيـد
عيدي بدونك مـا تعرفـه سنينـي
وان كان ما تقدر فدى يا اتلع الجيد
في العيد .. خل العيد دينه ودينـي
وتعال لي من دون موعد وتحديـد
ويصبح نهار العيد يومـك تجينـي
تعال خطوه بس واطوي لك البيـد
واجيك قلبي فـوق راحـة يمينـي
باقي على خبرك .. مولع وصنديد
صابر وبعدك حربة ٍ فـي كنينـي
تكفى تعال وهات بحضورك العيـد
لا يجيـب غيابـك العيـد فينـي 

يآ اغلى من الغالـﮯ عسى الله يخليـﮒ
عيدي و عيدﮒ فرحته لـ/التقينا
وش حيلتي لاصرت أنا ميتٍ فيـﮒ
(الله خلق خلقه وحنا أبتلينا)

محد حسب حساب عيدي بدونك
يالي بدونك عيدي دموع وآلام
وينك يالي لو تطلب عيوني يجونك
يافرحة عمري وسنيني والأيام
وينك ؟ شف الخافق عيا يخونك
عاثت به الحسرة وكلته الأوهام !
وينك ؟ يالي المخاليق مايسوون لونك
وينك ؟ يابعد كل من صلى ومن قام
لا تقولون عيدي مبارك .. ترى عيدي بدونك
كله سهر وتعب ودموع وآلام

×مخـــ~ــرج×........................
واقول في نفسي .. ليآ من | ذكرتك | ,
كل عام :وانت العيد في عيون مغليك..!